ياهيه صح الجرح يوجع لكن الغدر الموت ذاته
حبك كانت غايتي وقربك في دنيتي كل مطمع
عشقتك قصة خطيتها في حروفي تروي حكاياته
عشقتك وأثري العشق خنجر بالصدر يوجع
والفراق يا شينه أيبس عروق الوجد وضحكاته
والشوق كبرت طلوبه وزود فيني قطرات الولع
يا هيه وين حقوق الوفى ؟؟ وإلا ضيعت أماناته
صنت لك العهد وأنت كنت لبيت الغدر مخدع
كنت الحب الأول في خفوقي ازهرت نباته
وكنت غلا قلبي ما همني الكون كله لو سمع
كنت الحب في عيني ضيه وكنت للعمر فرحاته
وكنت للروح إحساس الصدق وللذوق المنبع
واليوم اسقاني حرفك من سموم الكلام زلاته
وارخصت من كان على عرش هواك تربّع
رميتني بحروف وسيجت بظنونك إتهاماته
هذا جرحي من كف يمناك بالكاس أتجرع
بكى قلبي أيام وليالي وع ذكراك هلت دمعاته
يا هيه وش بقى دام بيّدك هديت صرح المهجع
أمسيت بالعشق واصبحت للفراق بداياته
يا هيه روح الله معك ما بقى في العين مدمع
