أحُبك وسأبقى

سيف الحب ..للشاعر عـــبد العزيز العليوي

أمسي ع ضيقة صدر وأصبح ع ضيقة صدر

مع السلامه إذا باقي سلامه ..

المعذره فاض فيني الصبر سامحيني

قربك صار صعب والرجا اليوم خاب

حبيتك بكل المشاعر والاحساس فيني

حبيتك حيل والشاهد ربي رب الارباب

ألا يا حيف تجي نهايتي بكفك يا حنيني

يا هي قويه جرحك خطيته بطول الغياب

مع السلامه اذا باقي سلامه يا ضنيني

وانا لي الله معين في بلوتي مستجاب

من سواك يا رب هالكون ارجيه ويلبيني

ويمدح الهم ويزيل عن قلبي المصاب

اشكيك الحال يا عالم بحالي والوجع الدفيني

شكيتك همي كبير والأمل بدنيتي سراب

حبيت أنا واثري الحب لصاحبه سكيني

ووفيت العهد وأثري الوفى بالزمن عذاب

وكل ماقل باكر الفرج اكذب بصرخة ونيني

والحب كلمة نقولها كل مالاح طيف الاحباب

أحبك أنا دام هالروح نابضه بالشراييني

وان تخليت لي الله ولي قلب عن غرامك ماتاب

يالله هذه لك حروفي خطيتها وقلبي حزيني

يالله فيك الرجا دوم معقود ليوم الحساب

أعوفذــّـــك

يا ضيقة بالصدر اهلكت باقي الاحلام والامنيات

قسوتك يا صويحبي اليوم مالها مثيل ولا تواصيف

أبطيت علي بالفرح وسكب قدور الهنا والمسرات

وش بقى دامك في عيدي ماذكرت ولا جيتني ضايف

تعبت اشد جيوش الامل وأصبر روحي بسكات

وانت هو انت ما تعدلت راح وقتي معك حسايف

وياما عليك بحبال الصبر تجملت لاجل حب فات

حب قتلته بطول جفاك وبرود إحساس زايف

لو علي ما عشقتك في يوم ولا قلت لك هات

غصب عشقتك لا هو ب خاطري ولا هوب الكيف

حظي العاثر بدربك رماني وألبسني ثوب الحسرات

وكثر الحزن اعمى فؤادي ألين طاح جسمي نحايف

عشقتك عشق غرس باعالي الصدر الآهات

عشقتك بكل ما فيني و رغم جرح بالقلب طايف

و البخت وياك مايل والفرح مخنوق من اربع جهات

واقف ع بابك ينتظر ضحكة ترسمها الشفايف

حد قالك اتبع المقفي ابد لا وربك انساك في لحظات

وأعوفنك ان كنت لسحايب شوقي اليوم عايف

جرحتني .. الله حسيبك

يـــا نائي أضحك والخافي وسط الحشا ألغامي

يا ضيقة روحي ساعة الفجر ويا كبرها ألامي
أقفا عمري وراح والحظ أبد ما يوم\ن صفالي

يا نائي وش حيلة اللي بالجروح قلبها دامي
وش حيلة اللي ساهرة ليلها ما تعرف مباتي

وش حيلة اللي دمعها على الخدين جهامي
وش يسوي المجروح لاضاقت به الاحوالي

يا نائي تعبت أكتب الحرف وأصوره بأقلامي

ذبل كل شي حولي والحقيقة ماتت في هالزماني

علمني لاخان الصاحب عهد خله وشلون ينامي

وكيف بالله يقدر يسلا ويعيش عمره بأماني

تناسيت لأجل أعيش باقي ما بقى من أيامي
تناسيت ولكن جروحي أبت تنسى عنواني

يـــا نائي أضحك والخافي وسط الحشا ألغامي
ماحد به يدري ولا حد يعلم وش يا ترى حالي

أضحك على روحي واقول باجر تحلى أعوامي
ويصحيني هاجس خاطري واصرخ يا ضيق بالي