الأ يا عيني كفكفي دموعك ودقي أوتار النوح
جفت الماي في عروقي وغابت شمس حبي
لا عاد تطري الهوى ولا تقل وينه حبيب الروح
كل شي راح وفاض بحر الشوق في يوم نحبي
آه يا قلة الحيله في وقت كتب باسمي الجروح
ورسمت حروف همه من ونات صمتي العذبي
كلن في عيده رغيد متهني للفرح يطرب و يبوح
وانا الفرحه جفتني واعلنت في العيد حربي
حتى البسمه من شفاي ماتت من زود القروح
وتمايلت هموم ازرعت بالصدر حبات كربي
كل ما غفيت عنها بتالي الليل من حرّها أنوح
وأون ونات الصمت واسرج لها عبرات حبي
من زمن وزمان هذا حظي بالهنا شحوح
ويّه الحزن رفيق أمشي وياه واتعثر في دربي
تقل يهون وشلون تهون والقلب طير مذبوح
طار بالسما عليل وارتمى كسير باحضان هدبي
لا يا وليف الروح انا دونك حياتي قتيل مجروح
اعيشها جسم بليّا روح لن الهوى ذنبي
دنيا ما ترحم قلب عاشق همه ينال السموح
والناس ابد ما ترحم تزد فوق النار الحطبي
أبرحل عقب ما كنت بالحب كما الخيل الجموح
تراكض بشوق ولهفة\ن رغم عناي وصعبي
واليوم ونات صمتي صاحت كفاي تذليل الطموح
كفاي راح وقتي يا هلي مابين جدي ولعبي
أبرحل يمكن بالبعد تشفى جروح بين الخلق تفوح
أبرحل وأعيش باقي العمر ع ذكراك يا حبي
