يا الله رجيتك والرجى فيك ما يوم ابد خابي

زليت أنا وصار اللي صار ولوّح خلي بفراقي
زليت وآه يا طيبتي يا سبة شقاي وعذابي


ليتك عرفتني زين كان وقته عذرتني يا خفاقي
ومدحت بيدّك خطاي وما فتحت للفراق بابي


صمتي عذاب وكلامي هم عذاب ما ينطاقي
وحروفي سكنها الألم ودمع ثار من زود إكتئابي


الأ يا عيني خفي الدمع دمعك جرح الاوراقي
وجفت حبر أقلامي يوم ناديت ولارد ولا جوابي


كل شي تخيلته الا انك تقتل بصدك روح المشتاقي
وترحل ولا كانك بيوم هويت ولقلبي دقيت بابي


من يقول الهوى يموت في البعد وقصر التلاقي
انا شوقي كل يوم يزيد كما النار تلعب في لهابي


مشتاقه له حيل وش حيلة المشتاقه يا رفاقي
وش بيدي غير الصبر والتمني ورفع المصابي


مشتاقه ومن كبر شوقي فاضت مياه السواقي
مشتاقه لخلي اللي من شوفته النفس تطابي


خبروا وليف الروح عني لا يطول حبل الفراقي
وعلموه اني ع العهد باقية رغم الجفا والغيابي


من غاب عني كل شي حولي والكون فيني ضاقي
حتى الزاد ماله النفس عليه خاطر ولا مرغابي


يا الله تلين قلب خلي ويجيني بالهوى والوفاقي
يا الله رجيتك والرجى فيك ما يوم ابد خابي


وتزيل هموم ثقلها ثقل جبال من وسط الاعماقي
يا الله مالي سواك لحروف دعوتي مستجابي