يا عقاب انا دون الغوالي قلبي صويب
يروح وقتي اوني ونات من القهر ونة
يا عقاب حالي بعدهم اصبح كالغريب
تلفيني الذكرى واتصبر وبالدمع اتعنّا
ياسامع\ن بحرفي تراه نحيب في نحيب
ارسمه على الورق شجون بها اتغّنا
॥
ضناني الشوق لمن غاب ظلهم يا سعود
وبقت الذكرى عذاب احتاسه ف كل ليله
وينهم يا سعود وين اللي غدوا بالقبر رقود
إرحلوا عن دنيا افقدت كل خل\ن خليله ..
آهـ من يرد الموت وكل له يوم وبه موعود
وآهـ من يطفي حرقة قلب ضيع دليله .
॥
يا نمر اقفيت وحطيت بوسط القلب جمره
ساهره ليلي اترقب يا عل زولك يجين ..
خليتني ع درب الشوكـ تكويني العثره
ابطيت بالحضور وف الروح شوق وحنين
॥
يا كسرة الخاطر منكـ ما ظنيتكـ لجرحي تهوى
وكيف يهون فرقاي وتهون ايام عشناها سوية
تجي وتروح وبالقلب الف جمرة غضى تكّوى
بالله ما ترحم خفوق اسقيته من جفاك سقية
॥
انا من سفوح الجبال الشامخه المشقر العتيه
انا العجرمية لذكر اسمي رقص له حروف مغزلية
انا العجرمية انغام الحب ارسمها لوحة ونثريه
اكتب الحرف واخطه وجرحي اعلم به رب البرية
॥
هات قلبي وروح ما بقى فيني روح
ويش بقى وكل ما فيني ينزف جروح
ليتك وهم ليتك عصيت الهوى الجموح
كان ما غديت اليوم كما الطير المذبوح
॥
ويش فاد عذر بعد خنجركـ بالاعماق
بعد طول الهجر منك وكثر التجريح
رحلت وخليتني احتاس بكبر الاشواق
غزتني في ليلة هديتني بها رحيل
॥
طال الهجر وافنيت عمري بالانتظار
الين الصبر عافني وامتطى الغياب
شوف شوقي لك تعدى حد المدار
يا حيف بعد الحب نصبح كما الاغراب
॥
ليتكـ تعلمُ يا هذا بان فؤادي بكـ مغرمٌ
تتلذذ عيناي كلما لاح طيفكـ بالسماء
ليتكـ تعلمُ بجرح في محيط صدري اظلم
يترنح حرفي وشوقي لك يزداد بالجفاء
فكفاكـ عنادا اسقني الوصال واقدم
فالحب لايموت ولا يضحمل بطول العناء
॥
حشا منو يقدر ياخذ من قلبي غلاكـ
وانت اهل الغلا كله وسيد الاحباب
سبحان من صورك اعذب واجمل ملاك
أحبكـ لاخر نفس الين يطويني التراب
॥
لا تقول بعد مليت منك كثر الاعذار
صبرت وللصبر حدود وانا صبري ذبل عوده
وشاب قلبي واسقيته بيدك كاس المرار
خلاص أبرحل واعزف من جرحي أنشوده
يا يمه أبسالك حظي بالهوى ليه عثار
بسالك ليه النفس عن باب الفرح مصدوده
يا يمه دنيتي ضاقت ماهيب ليل ولا نهار
اقضي وقتي مابين نوح ومن الفكر مهدوده
تلعب فيني هواجيس مالها من قرار
وهموم ساكنه وسط روح مرصوده
تلاحقني ذكرى طوتها صفحات الاقدار
ذكرى حبيب خان الهوى و عهوده
॥
يا صاحبي ليه تطعني بسهم الغياب
وانت تدري ويش حالي انا دونك يكون
بالله ما ترحم قلب\ن من سم العذاب
اسقيتني كاسه امرار وخليتني مغبون
وش بقى لاصار حرفك يهجيني بالخراب
وش بقى اكثر اسمعه بعد نزف الشجون
شمس حبنا غابت ولا اظن نعود احباب
بيدكـ كسرت حبا كنت له ضي العيون
واليوم و بعد ذيك الاحلام اصبحنا اغراب
كلمن دربه مشى بحرف الجرح مفتون
॥
قم يا قصيدي وأسرج من دموعي حروف اليأس
قـم وأعزف للبشر ألحان النوى وجرح الفراق
عقب المحبة وحبات الوله وكبر فينا الإحساس
عقب الأحلام والأماني والتصبر وطول الاشواق
عقب هذا كله غدينا اليوم كما الاغراب يا ناس
الله أكبر على وقت فرّق قلوب وأدمع الاحداق
ليست هناك تعليقات:
إرسال تعليق