هدني الغياب

من غبت عني ما ضحك سني ولا بفرحة تهنيت

وان إجه يوم وضحكت اضحك غصب مجبوره



ياهاجري ليتك بس تدري دونك ويش عانيت

افرش الهم لي حرام ووساده وعيني مكسوره



محرومة من النوم.. جفاني من يوم اجفيت

الين تجاعيد السهر اعتلت وجهي بسطوره



يا حسايف يا صاحبي كيف لجرحي ارضيت

وكيف هانت عشرتي في يوم وليله مقهوره



طعتني بسهام حرفك بالجوف وعني اقفيت

يا حسايف يمشي الوقت وانا اناظر الصورة



هديتني وانا الحبيبه وقلبي ابلا ثمن اعطيت

وزرعت بيدك اشواك وسط الصدر محفورة



هديتني وهدني المرض وبوحدتي إكتويت

وتجرعت العبرات كاس وكانها لي مقدورة



يا غلا قلبي عساك بس بجرحي اليوم إكتفيت

ويا عسى خاطرك طاب عقب الهجر إشهورة