يا مرها لليلة البارحة اتقلب ع جمر عذابي وانوح
الله عليك انا بس وش سويت تذوقني الالم وتجفين
يا صاح غلاي لو طاح في عينك غلاك بقلبي جموح
ابتعد واطوي ستار عشقي والنهاية جرح ودمعتين
يا كيف تظلم حبيبك وتجرحه بسم حروفك وتروح
خلاص بصمت اليوم وسافر لدنيا مابها شوق وحنين
ويا موت اقبل تعال من بين الحنايا أهديتك الروح
عقب ما الفرح شاحت عتيم الليالي بهم وونين
وكل مافيني تكسرت إجناحه حتى بقايا طموح
وأمس عوّد علي جرح هقيته جفاني من سنين
الله عليك عقب الحب تكويني بصفعات الجروح
لك الله يا قلب وحده القادر ولجرحك لابد يشفين
ليلة البارحة يا مرها والنوم كنّه عن عيني نزوح
ابرحل ابلا عتب وش يفيد العتب وخاطري حزين
ليست هناك تعليقات:
إرسال تعليق