مشتاقه مل الصبر من شوفتي يا اعز الاحباب
مشتاقه انا لك حيل لا اكبر من اي وصف ينقال
يا كم اتعبني طول فراقكـ وكثر الحكي والعتاب
ويا كم رددت فِ ليلي بصوت مخنوق بالله تعال
ويا كم قلت في نفسي باكر يجيني يدق الباب
بالله الى متى تحرق القلب بقطع حبل الوصال
والى متى بعيش من دونك غارق بدمع الاهداب
ضاق فيني فضا هالكون عقب ما جفيتني رحّال
والى متى غيرتك تشقيني ويّه فكرك المرتاب
شوف هذا حبك احتلني ويا أجمله من احتلال
ضمني برمش عينك خلني أسلا هجرك والعذاب
من أقفيت اخذت الفرح واشعلت الحزن إشتعال
لو دريت بشوق قلبي كان جيتني وهديت الغياب
يا رعشةٍ يا نبضةٍ يا شفاي من كدر الأوجال
تعال كل ما فيني لك ظاميا بنزف حرفه مسكاب
وحبك ما تغير أبد بل زاد رغم بعدك وطول الليال
تعال هدتني الوحدة وضياعٍ روحي والاغتراب
وجرحك توّه ما برى يعزف لحنٍ فراقك والإنخذال
رغم ذا أحبك وهم أحبك ولو شعر هالراس شاب
ما نساك ابد وشلون بنسى من غلاه بالعروق همّال
وما توب عن حبك ألين يطويني القبر بالتراب
وهذا حرفي لك ينشد أشواق قلبي بِ موال
سلامي معطر بشذى الكون
لكل من مرّ من هنـــا ,,
ليست هناك تعليقات:
إرسال تعليق